1989 онд байгуулагдсан  Queensland University of Technology нь Австралийн Брисбен хотод байрлах, практикт суурилсан боловсролоороо алдаршсан тэргүүлэх их сургууль юм.

QUT нь Брисбен хотын төвд орших Garden’s Point болон Kelvin Grove гэсэн хоёр том кампустай бөгөөд 50,000 гаруй оюутантай. Технологи, инженерчлэл, бизнесийн факультетүүд нь дэлхийн жишигт нийцсэн сургалт, орчин үеийн лаборатори, бодит ажилд бэлтгэх хөтөлбөрүүдээрээ онцлог.

QUT нь өөрийгөө “The Real World University” гэж тодорхойлдог. Учир нь тус сургууль оюутнуудыг бодит ажлын орчинд шууд ажиллах чадвартай мэргэжилтнээр бэлтгэхийг гол зорилгоо болгодог.

2016 оноос хойш бид энэхүү их сургуульд 78 оюутныг амжилттай зуучилсан бөгөөд тэдгээрийн олонх нь Rio Tinto, NAB, Brisbane Central Park, Central Hospital зэрэг Австралийн нэр хүндтэй байгууллагад өөрийн мэргэжлээрээ ажиллаж байна.

QUT нь зөвхөн Австралийн шилдэг 10 их сургуулийн нэг байгаад зогсохгүй, Times Higher Education олон улсын их сургуулиудын зэрэглэлээр дэлхийн топ 200-д багтсан нь түүний чанар, нэр хүндийг баталж байна.