Deakin University нь 1974 онд байгуулагдсан бөгөөд Австралийн хоёр дахь Ерөнхий сайд Альфред Дикиний нэрэмжит их сургууль юм. Викториа мужид байрлах тус сургууль нь Melbourne, Geelong, Warrnambool зэрэг хотуудад кампустай бөгөөд мөн онлайн сургалтаар дамжуулан дэлхийн өнцөг булан бүрээс оюутнуудад боловсрол эзэмших боломжийг олгодог. Дикиний Их Сургууль нь судалгааны өндөр түвшинтэй, практикт суурилсан боловсрол олгодог тул Австралийн шилдэг их сургуулиудын нэгт тооцогддог. Ялангуяа спортын шинжлэх ухааны чиглэлээр дэлхийн шилдэг 3-р зэрэглэлд багтаж, сувилахуйн чиглэлээр ТОП 29, боловсролын чиглэлээр ТОП 32-т эрэмбэлэгдсэн нь түүний академик амжилтыг илтгэнэ. Мөн инноваци, дижитал сургалт, салбар хоорондын хамтын ажиллагааг онцгойлон дэмжиж, оюутнууддаа ирээдүйд өрсөлдөхүйц ур чадвар эзэмшүүлэхийг зорьдог.