AUSTRALIA

Нийслэл:

Канберра хот

Хэл:

Англи хэл

Хүн амын тоо:

26,6 сая

Мөнгөн тэмдэгт:

Австрали доллар (AUD)

Нэг хүнд ноогдох ДНБ:

$65,000

Австрали улс бол Далайн орон бөгөөд нийт газар нутгаараа дэлхийд зургаад ордог бөгөөд 6 мужаас бүрдэнэ. Австралийн хамгийн том хот нь Сидней юм.

АВСТРАЛИ УЛСЫГ СОНГОХ ШАЛТГААН

Дэлхийд хамгийн их цагаач хүлээн авсан улсын жагсаалтын 9-р байранд ордог.
Австрали улс нь эдийн засгийн хувьд хүчирхэг.
Австрали улсын ДНБ-ын бүрдүүлэгч үндсэн салбар болох уул уурхай, аялал жуулчлалын салбаруудын араас 3-р байранд Боловсролын салбар жагсдаг. Дэлхийд хамгийн олон оюутан хүлээн авч буй ТОП 5 орны нэг юм.
Мелбурн хот нь 2014-2021 онд тасралтгүй Дэлхийд хамгийн амьдрахад таатай хотоор 1-р байранд шалгарсан бөгөөд Брисбейн, Перт, Аделайд хотууд мөн эхний 10 байранд жагссан үзүүлэлттэй.
Ард иргэдийнх нь 99.9% нь бичиг үсэг тайлагдсан бөгөөд улсын зүгээс чанаргүй сургуулиудын үйл ажиллагааг зогсоох бодлогыг хэрэгжүүлсээр байгаа.

БОЛОВСРОЛЫН СИСТЕМ

Австрали улсад нийт 37 их сургууль, хувийн 6 их сургууль байдгаас 8 их сургууль нь Дэлхийн ТОП 100-д, 16 их сургууль нь ТОП 200-д, 28 их сургууль нь ТОП 500-д албан ёсоор багтдаг байна.
2022 онд Дэлхийн боловсролын арга зүй, чанар болон стандарт, өрсөлдөх чадварын олон улсын судалгаагаар Австрали улсын боловсрол нь Дэлхийн 184 орноос 5-р байрт жагссан юм.
Австралийн институтууд нь олон төрлийн сургалт, зэрэг олгодог тул олон улсын оюутнууд өөрсдөдөө тохирох сургууль, сургалт, дамжааг хялбархан олох боломжтой.
Боловсролын үнэлгээ, гэр бүлээрээ ажиллаж амьдрах боломжтой, хүүхдийн сургалтын төлбөрийн хөнгөлөлт, төгсөөд ажиллах боломж зэрэг нь сүүлийн жилүүдэд Монголчуудын хувьд тэргүүлэх сонголт болж байгаа билээ.

АМЬДРАЛЫН ӨРТӨГ

Түрээсийн байр: 1,500 - 3,000 AUD
Хоол хүнс: 1 сард дунджаар 300-600 AUD
Тээвэр: дунджаар 150-200 AUD (Сараар төлбөл) Нэг удаа зорчих бол 3-5 AUD байна
Бусад зардал: дунджаар 100-150 AUD

Австрали улс нь амьдрах орчны хувьд дэлхийн хамгийн тохиромжтойд тооцогддог. Учир нь амьдрах зардал, сургалтын зардлаараа АНУ, Их Британиас хамаагүй бага байдаг гэж хэлж болно. Мөн олон улсын оюутнууд суралцах хугацаандаа хагас цагаар ажиллаж, амьдралын зардлаа нөхөх боломжийг олгодог.

ЦАГ АГААР

Зуны улиралд: Австралид зуны улирал халуун, бороотой байдаг, дундаж температур 25°C орчим байдаг. Өмнөд хэсэг нь илүү сэрүүн байдаг.
Өвлийн улиралд: Австралийн өмнөд хэсэгт өвөл сэрүүн бөгөөд дунджаар 10-15°C байдаг. Халуун орны бүсэд өвөл нь илүү зөөлөн, дундаж температур 25°C орчим байдаг.